Dóms- og kirkjumálaráðherra hefur skipað Úlfar Lúðvíksson, skrifstofustjóra sýslumannsembættisins í Reykjavík og staðgengil sýslumanns, sem sýslumann á Patreksfirði frá og með 15. júlí 2008. Þórólfur Halldórsson, sem verið hefur sýslumaður á Patreksfirði um langt árabil, var fyrir nokkru skipaður sýslumaður í Keflavík frá sama tíma.

Þrjár umsóknir bárust um embættið á Patreksfirði. Umsækjendur auk Úlfars voru Sigríður Eysteinsdóttir, fulltrúi sýslumannsins í Reykjavík, og Þorsteinn Pétursson, fulltrúi á lögmannsstofu Skúla Bjarnasonar hrl.