Hjalti er víðkunnur fyrir bátasmíðar.

Hjalti Hafþórsson á Reykhólum hefur verið ráðinn umsjónarmaður fasteigna Reykhólahrepps. Þetta var ákveðið á fundi sveitarstjórnar í dag. Egill Sigurgeirsson á Mávavatni á Reykhólum hefur gegnt þessu starfi í mörg ár en sagði því lausu í vor. Umsækjendur um starfið voru fjórir en einn dró umsókn sína til baka. Hinir tveir voru, auk Hjalta, Guðlaugur Einarsson, Sauðárkróki, og Ísak Leifsson, Reykjanesbæ.

Fyrir Reykhólahrepp hafði Capacent umsjón með samantekt upplýsinga um starfið og úrvinnslu umsókna.

Hjalti mun starfa með Agli síðustu viku þessa mánaðar til að komast inn í hlutina og taka síðan við um mánaðamót.

Sjá einnig:

Ráðuneytisstyrkur þriðja árið í röð