Bryndís, Sigrún, Áslaug og krakkarnir.

« 1 af 3 »

Kvenfélagið Katla og foreldrafélag Reykhólaskóla færðu í dag leikskóladeild skólans gagnlega gjöf, iPad Air spjaldtölvu að andvirði 110 þúsund krónur, sem félögin keyptu í sameiningu. Gjöfina afhentu Áslaug Guttormsdóttir, formaður kvenfélagsins, og Sigrún Kristjánsdóttir, fulltrúi foreldrafélagsins, en Bryndís Héðinsdóttir deildarstjóri leikskóladeildar tók við henni ásamt krökkunum á leikskólanum.

Þess má geta, að Sigrún tekur um áramótin við sem deildarstjóri leikskóladeildarinnar.

Reykhólaskóli er mjög þakklátur fyrir þessa höfðinglegu gjöf.

Myndirnar voru teknar við afhendinguna.