Stjórn Orkubús Vestfjarða hefur nú öðru sinni ákveðið að veita styrki til samfélagsverkefna á Vestfjörðum. Til ráðstöfunar eru að þessu sinni kr. 4.200.000. Umsóknir um styrkina þurfa að berast Orkubúi Vestfjarða fyrir 15. nóvember. Stefnt er að því að þeim verði úthlutað í desember.

Umsókn um styrk má senda í pósti til Orkubús Vestfjarða, Stakkanesi 1, 400 Ísafirði, með merkingunni Styrkur eða í tölvupósti til orkubússtjóra á netfangið kh@ov.is.

Við fyrstu úthlutun samfélagsstyrkja Orkubús Vestfjarða á síðasta ári voru veittir nítján styrkir til margvíslegra verkefna og málefna um allan Vestfjarðakjálkann, samtals að fjárhæð kr. 3.500.000.

► Sjá hér skrá um samfélagsstyrki OV 2012