Oddvitinn búinn að máta nýjasta barnið
Áttunda og síðasta barnið sem bættist í hóp íbúanna í Reykhólahreppi á nýliðnu ári fæddist á öðrum degi jóla og hafði þá látið bíða eftir sér í tíu daga. Það er stúlka sem strax við fæðingu var nefnd Unnur Þórdís, dóttir Önnu Gretu Ólafsdóttur skólastjóra á Reykhólum og Bjarna Jóhannessonar. Fyrir eiga þau Anna Greta og Bjarni tvær dætur, þær Heiðu Láru, sjö ára, og Huldu Brá, tveggja ára. Eins og alþjóð veit prjónar oddviti Reykhólahrepps peysur á öll börn sem fólkið í sveitarfélaginu hennar færir í heiminn og bætir þar með á íbúaskrána.
Oddvitinn er búinn að koma í heimsókn og máta barnið en barnið er ekki enn búið að máta peysuna því að hún er rétt ókomin. „Við Unnur Þórdís hlökkum til að eignast svona fræga og fallega peysu,“ segir Anna Greta.
► 05.02.2013 Bæði Andrea og karlarnir með tifandi prjóna
Steinunn, fimmtudagur 16 janar kl: 22:44
Var þetta í útvarpinu í dag ? Væri gaman að heyra viðtalið ef svo var :)