18. september 2019 | Sveinn Ragnarsson
Ögn síðbúin frétt af startpakka
Katrín Ebba, Bergþór, Hrefna og Matthildur Guðný. mynd Embla Dögg
Það er alltaf jafn ánægjulegt þegar tækifæri gefst til að afhenda startpakka, en Reykhólahreppur hefur um árabil fært foreldrum nýfæddra barna í hreppnum pakka með ýmsu sem kemur sér vel fyrir börnin.
Sveitarstjórn fékk verslunina Lindex í lið með sér að útbúa pakkana fyrr á þessu ári og svo var einnig nú.
Að þessu sinni voru það Hrefna Jónsdóttir og Bergþór Thorstensen sem Embla Dögg Bachmann færði startpakka handa dóttur þeirra sem fæddist 29. maí síðasliðinn, hún heitir Matthildur Guðný.
Þetta er 2. startpakkinn sem þau fá, fyrir liðlega tveimur og hálfu ári fæddist eldri dóttir þeirra, Katrín Ebba.
Fjölskyldunni eru færðar hamingjuóskir.