Forsetinn klippir á borðann með aðstoð félaganna Garðars og Sørens.

Fjöldi fólks kom í saltvinnsluna ...

... til að samgleðjast frumkvöðlunum og hitta forsetann.

Ólafur Ragnar ásamt sveitarstjórn og sveitarstjóra fyrir dyrum Bjarkalundar.

Ingibjörg Birna sveitarstjóri, Ólafur Ragnar og Andrea oddviti sveitarstjórnar.

Í Bjarkalundi var margt girnilegt á hlaðborði.

Auðvitað var sungið fyrir forsetann þegar hann kom í Reykhólaskóla.

Dísa Sverrisdóttir, Ólafur Ragnar, Steinunn Rasmus og Anna Greta skólastjóri.

Forsetinn heilsaði upp á æsku héraðsins ...

... og strax á eftir heimsótti hann gamla fólkið.

Nóg var að spjalla og nóg með kaffinu í Barmahlíð.

Forsetinn og Örnólfur Thorsson forsetaritari (hægra megin) á Báta- og hlunnindasýningunni ásamt bátamönnunum Sigurði Bergsveinssyni og Eggert Björnssyni (skinnklæddum) og Ingibjörgu Birnu sveitarstjóra.

« 1 af 12 »

Heimsókn Ólafs Ragnars Grímssonar forseta Íslands í Reykhólahrepp í gær tókst með ágætum. Myndirnar sem hérna fylgja tók Jón Þór Kjartansson hvar sem forsetinn kom og birtast hér fyrst þær síðustu í röðinni – þrjár myndir frá opnunarhátíð saltvinnslunnar á Reykhólum, sem var ástæða þess að forsetinn kom í heimsókn í héraðið einmitt núna. Þar klippti Ólafur Ragnar á borða með aðstoð eigendanna og frumherjanna Garðars Stefánssonar og Sørens Rosenkilde að fjölda gesta viðstöddum og lýsti vinnsluna formlega tekna til starfa.

Síðan eru myndir frá Bjarkalundi þar sem sveitarstjórn og sveitarstjóri tóku á móti forsetanum og fylgdarmönnum hans og hádegisverður var snæddur, myndir úr Reykhólaskóla, frá síðdegiskaffinu í Barmahlíð og frá heimsókninni á Báta- og hlunnindasýninguna á Reykhólum.

Á næstu dögum verða settar hér inn á vefinn myndasyrpur með fjölda mynda frá sérhverjum viðkomustað í heimsókninni.