17. janúar 2013 | vefstjori@reykholar.is
Olíubíll út af veginum í hálku á Hjallahálsi
Olíuflutningabíll fór út af veginum yfir Hjallaháls milli Þorskafjarðar og Djúpafjarðar í dag þegar ökumaðurinn missti stjórn á honum í hálku. Fréttavefurinn mbl.is hefur eftir lögreglu að bíllinn hafi ekki oltið og engin olía hafi farið niður.
Mynd nr. 1 af veginum yfir Hjallaháls tók Jónas Guðmundsson sýslumaður í Bolungarvík úr flugvél kvöld eitt í sumar. Seinni myndin er skjáskot úr vefmyndavél Vegagerðarinnar á Hjallahálsi (Vefmyndavélar í tengladálkinum hér vinstra megin).