Síðasta samkoma Félags eldri borgara í Dalabyggð og Reykhólahreppi á þessum vetri verður í Leifsbúð í Búðardal á morgun, fimmtudag. Af því tilefni býður félagið öllum íbúum svæðisins 65 ára og eldri, sem ekki eru í félaginu en hafa áhuga á því að kynnast starfi þess, að koma á samkomuna, sem hefst kl. 13.30 og stendur til kl. 16.

Ýmislegt verður til skemmtunar og gott með kaffinu.

Því má bæta við, að félagið verður með dagskrá á Jörfagleði og kaffisölu til fjáröflunar.

Sjá einnig:

► 23.03.2013 Félagslífið hjá eldri borgurum stöðugt fjölbreyttara