Opið hús á Tindum í Geiradal
Minnt skal á opið hús á Tindum í Geiradal frá kl. 18 annað kvöld, laugardagskvöld. Tilefnið er fimmtugsafmæli Harðar Grímssonar, sem var reyndar mánudaginn 5. mars.
Mynd nr. 2 tók Árni Geirsson verkfræðingur sumarið 2007. Tindar eru fremst á myndinni, Klettur nokkru fjær og síðan Hólar vinstra megin neðan vegar. Smellið á myndina til að stækka hana.
Fram að sameiningu sveitarfélaga fyrir rétt að verða 25 árum var Klettur vestasti bær í Geiradalshreppi en Hólar voru austasti bær í Reykhólahreppi (hinum gamla). Klettsgilið aðskildi hreppana.
Hér skal minnt á hinar einstöku myndasyrpur Árna Geirssonar, sem hann hefur tekið á undanförnum sex árum (2006-2011) svífandi víða um héraðið. Þær er að finna í valmyndinni vinstra megin undir Ljósmyndir > Ýmis myndasöfn.
► 5. mars 2012 Hörður á Tindum fimmtugur