Opið hús verður í Konnakoti frá kl. 20 í kvöld, miðvikudagskvöldið fyrir sumardaginn fyrsta. Tilvalið að mæta og hitta gamla sveitunga. Kaffi á könnunni en aðrar veigar þarf fólk að koma með sjálft. Líklegast kippa einhverjir með sér kippu til að skála fyrir aðsteðjandi sumri.

Það verða einhver spil á staðnum og frábært væri ef einhver kippti gítarnum sínum með. Að öðru leyti spjallar fólk bara og á skemmtilega stund saman.

Konnakot, félagsmiðstöð Barðstrendingafélagsins, er að Hverfisgötu 105 í Reykjavík, annarri hæð (næsta hús vestan við lögreglustöðina, handan við Snorrabrautina).