Harpa Björk Eiríksdóttir.

„Nú er komið að því að halda svona eins og einn súpufund og kynna það starf sem verður hjá Báta- og hlunnindasýningunni í sumar, sem og þá viðburði sem verða á svæðinu, alla vega þá viðburði sem sýningin tekur þátt í,“ segir Harpa Björk Eiríksdóttir, framkvæmdastjóri sýningarinnar. „Endilega koma með góða skapið og fullt af hugmyndum hvað ykkur langar að sjá gerast hjá okkur í sumar,“ segir hún.

Súpufundurinn verður í húsnæði sýningarinnar við Maríutröð. Kynningin hefst kl. 20 í kvöld, þriðjudag, en húsið verður opnað hálftíma fyrr.

Aðgangseyrir er kr. 1.500 fyrir fullorðna og kr. 750 fyrir sautján ára og yngri. Innifalin er bátasúpan góða með brauði og síðan er kaffi á eftir. Kakó eða te fyrir þá sem ekki drekka kaffi.

Sjáumst hress og kát! segir Harpa.