Stytta í Ólafsdal af hjónunum Guðlaugu Zakaríasdóttur og Torfa Bjarnasyni.

Mjólkurhúsið sem var endurbyggt í fyrra.

Fjóstóftin, hlaðnir steinveggir. Fjósið verður endurreist næst.

Víkingaaldarskálinn.

Snældusnúður úr víkingaaldarskálanum í Ólafsdal. Sýnir að tóvinna fór fram húsinu en áður höfðu fundist þar kljásteinar sem hafa hangið neðan í uppstöðu í vef.

Ólafsdalsgrænmetið og rófur.

« 1 af 6 »

Sumaropnun í Ólafsdal í Gilsfirði hófst um síðustu helgi. Opið alla daga kl. 12 - 17 fram til 18. ágúst.

Tólfta Ólafsdalshátíðin verður haldin laugardaginn 17. ágúst (fjölskyldduhátíð). 

Nú hefur Minjavernd endurreist Mjólkurhúsið í Ólafsdal (Vatnshúsið) og næst er það fjósið (verður lokað fyrir næsta vetur). Þrjár göngubrýr eru komnar yfir árnar til að auðvelda göngufólki för um dalinn og góðar gönguleiðir í nágrenninu.

Búið er að stika gönguleiðina upp í Skál. Spennandi uppgröftur á víkingaaldarskálanum (aðeins 1 km göngufjarlægð frá skólahúsinu) hélt áfram í maí-júní og fundust þar ýmsir góðir gripir.

Lífrænt vottaða Ólafsdalsgrænmetið 2019 vex vel. Kaffi, djús, vöfflur og Erpsstaðaís hjá Elfu og Halla! Velkomin í dalinn fagra og söguríka. Sjá meira á www.olafsdalur.is

Myndir af fb. síðu Rögnvaldar Guðmundssonar.