Í dag eru unglingar úr Reykhólaskóla á vinnufundi á Hólmavík vegna stofnunar framhaldsskóladeildar í Strandabyggð á komandi hausti. Kynningarfundur um deildina verður síðan haldinn í Félagsheimilinu á Hólmavík kl. 18 í kvöld, fimmtudag. Hann er opinn öllum íbúum Strandabyggðar og fólk úr Reykhólahreppi og öðrum grannhéruðum er einnig velkomið.

Á fundinum mun Þorkell Þorsteinsson, aðstoðarskólameistari Fjölbrautaskóla Norðurlands vestra á Sauðárkróki (FNV), fara ítarlega yfir starfsemi deildarinnar og Rakel Runólfsdóttir, umsjónarmaður dreifnáms FNV á Hvammstanga, mun kynna hvernig til hefur tekist með uppbygginguna þar.

Guðrún Helga Magnúsdóttir og Ragnar Bragi Ægisson, framhaldsskólanemar á Hvammstanga, segja frá því hvernig er að vera nemandi í dreifnámi og Andrea Kristín Jónsdóttir, sveitarstjóri Strandabyggðar, greinir frá undirbúningi heima í héraði. Auk kynninganna verður tekið við fyrirspurnum úr sal.

Tengdar fréttir á vef Reykhólahrepps:

► 06.12.2012 Líkur á stofnun framhaldsskóladeildar á Hólmavík

► 24.04.2012 Sveitarstjórnir hittust og ræddu sameiginleg mál

► 16.02.2012 Framhaldsdeild stofnuð á Hólmavík annað haust?

► 07.09.2011 Fjórðungsþing vill framhaldsskóladeild á Hólmavík

► Fjölbrautaskóli Norðurlands vestra