Frá Reykhóladögum 2013 (Grund).

Jóhanna Ösp Einarsdóttir í Kaplaskjóli er að byrja að púsla saman dagskrá fyrir Reykhóladagana í sumar og óskar eftir hugmyndum og tillögum um viðburði. Jafnframt biður hún alla sem myndu vilja sjá um eitthvað á hátíðinni að gefa sig fram.

Hafið samband hvort heldur er í síma, í skilaboðum á Facebook eða á förnum vegi.

P.s.: Gömlu góðu Spaðarnir (Guðmundur Andri Thorsson rithöfundur og félagar) sem spiluðu á Reykhóladögunum á síðasta ári gera það trúlega ekki núna. Grunur leikur á að þeir ætli ekki að koma fram nema einu sinni á þessu ári: Í Flatey um verslunarmannahelgina. Það yrði þá reyndar ekki í fyrsta sinn sem þeir spila þar ...

Reykhóladagar 2015 - dagskráin