Skúli Gautason.

Á Reykhólum verður undir kvöld núna á miðvikudag boðið upp á örstutt námskeið í gerð styrkumsókna, en á miðnætti mánudagsins eftir viku rennur út umsóknarfrestur í Uppbyggingarsjóð Vestfjarða. Það er Skúli Gautason menningarfulltrúi sem heldur námskeiðið og býður spjall og ráðgjöf í kjölfarið.

„Ef það blundar í þér skemmtileg hugmynd er einboðið að koma og vita hvort það er ekki hægt að hrinda henni í framkvæmd,“ segir í pósti frá Skúla.

Námskeiðið verður haldið á bókasafninu í Reykhólaskóla og hefst kl. 17 á miðvikudag, 4. janúar. Það er þátttakendum að kostnaðarlausu og öllum opið.