Arnarhreiður í Reykhólahreppi.

Harpa Eiríksdóttir ferðamálafulltrúi Reykhólahrepps með meiru leitar eftir skemmtilegum og áhugaverðum sögum sem tengjast haferninum og kynnum fólks af honum. Harpa er um þessar mundir að undirbúa sýninguna Arnarsetur Íslands í kaupfélagshúsinu í Króksfjarðarnesi, sem opnuð verður í næsta mánuði. Þar er ætlunin að hafa sögur af erninum og líka á væntanlegum vef Össuseturs Íslands ehf.

Sýningin Arnarsetur Íslands og Össusetur Íslands ehf. eru ekki alveg sama fyrirbærið þó að tengslin séu náin.

Hafið samband við Hörpu í síma 894 1011 eða í tölvupósti og látið henni sögur í té.