Pantanir eða séróskir varðandi bollur?
Þrenningin árvissa, bolludagur, sprengidagur og öskudagur, er að þessu sinni dagana 3.-5. mars (mánudag, þriðjudag og miðvikudag). Eins og undanfarin ár hyggst Eyvi í Hólakaupum fara suður í Borgarnes og sækja bollur. Fólk sem vill panta bollur eða hefur einhverjar séróskir varðandi þær ætti að hafa samband við Eyva með góðum fyrirvara. Hann reiknar með að fara suður jafnvel snemma á sunnudeginum.
Sprengidagur tekur við af bolludegi og þá verður saltkjöt og baunir og annað tilheyrandi „upp um alla veggi“ eins og Eyvi kemst að orði. Á öskudaginn (maskadaginn) verður svo eins og venjulega nammi fyrir þá sem koma og syngja í búðinni, og líka fyrir þá sem syngja ekki.
► 06.02.2013 Bollubíllinn á Reykhólum: Bollur teknar frá
► 15.02.2012 Meira en 300 km akstur að sækja bollurnar
► 10.03.2011 Öskudagsgestir í Hólakaupum