« 1 af 3 »

Sr. Elína Hrund Kristjánsdóttir sóknarprestur messar í Reykhólakirkju kl. 14 á páskadag. Organisti er að venju Viðar Guðmundsson og kór Reykhólaprestakalls syngur. Myndirnar af kirkjunni og prestssetrinu á Reykhólum sem hér fylgja voru teknar í hallfleyttu skini morgunsólar núna eldsnemma að morgni páskadags 2011.

Höfuðbólið forna Reykhólar hefur verið kirkjustaður um aldir og kirkjur komið og farið líkt og mannfólkið. Kirkjan sem nú stendur á bæjarhólnum var vígð árið 1963. Prestur hefur hins vegar ekki setið á Reykhólum nema í 70 ár. Prestsbústaðurinn neðan við Hellishólana var byggður ekki mjög löngu síðar. Áður var prestssetur héraðsins á Stað á Reykjanesi þar sem enn er falleg lítil gömul kirkja.