Nemendur í 7.-10. bekk Reykhólaskóla verða með pítsuveitingahús í matsal skólans kl. 18-21 í kvöld, sumardaginn fyrsta. Hægt er að snæða pítsuna á staðnum eða taka með sér heim. Tekið er við pöntunum frá hádegi í síma 895 6379 og bent er á að rétt er að panta tímanlega. Margar áleggstegundir eru í boði, svo sem nautahakk, pepperóní, skinka, hvítlaukur, rjómaostur, sveppir, paprika, ananas, laukur og beikon.

 

Pítsurnar eru tólf tommur í þvermál og kosta kr. 1.700 með tveimur tegundum af áleggi. Aukaálegg kostar kr. 200. Margaríta-pítsa með sósu og osti kostar kr. 1.500.

 

Afsláttur er veittur ef keyptar eru fleiri en ein. Þannig kosta tvær 1.700 króna pítsur kr. 3.000 (fullt verð væri kr. 3.400) og þrjár slíkar kr. 4.000 (fullt verð væri kr. 5.100).