Margumræddar breytingar á póstdreifingu í Reykhólahreppi ganga í gildi núna um mánaðamótin. Hætt verður að dreifa póstinum alla virka daga og verður honum framvegis dreift annan hvern virkan dag. Síðasti dreifingardagur fyrir breytinguna er á morgun, fimmtudag, en sá fyrsti eftir hana er á mánudag, 4. apríl.

Reyndar er komið á þriðja ár síðan hætt var að dreifa pósti lengra en í Bjarkalund nema þrjá daga í viku og hefur því Gufudalssveitin auk Kinnarstaða og Hofsstaða í Reykhólasveit búið við þá tilhögun síðan. Pósti verður áfram komið til Flateyjar með sama hætti og verið hefur, eða frá Stykkishólmi tvisvar í viku.

Hér má sjá töflu um dreifingardaga (pdf). Pósturinn áskilur sér þó rétt til breytinga án fyrirvara.

22.03.2016  Pósturinn: Höfum enga aðra kosti í stöðunni

01.03.2016  Skerðingin á póstþjónustunni frestast um mánuð

16.02.2016  Ráðherra ritað bréf vegna skerðingar á póstþjónustu

01.02.2016  Undanþága frá lögum veitt í reglugerð

27.01.2016  Aðför að dreifðum byggðum

21.01.2016  Guðbirni pósti sagt upp

08.01.2016  Pósturinn: Dreifingardögum fækkað um helming