Bæði María Maack og hýasinturnar prúðbúnar í tilefni kvennadagsins.

Næsta undarlegt þótti ýmsum í vetur í hinu friðsæla Reykhólaþorpi þegar kona sást hlaupandi á undan traktorsgröfu og grípa öðru hverju dekk úr skóflunni og slöngva með tilþrifum út fyrir götu. Skýringuna má finna hér. Núna standa hýasintur í blóma þar sem dekkin lentu (þau eru nú horfin fyrir löngu). Eitt þessara ótalmörgu dekkja lenti á mótum Grettistraðar og Reykjabrautar. Á myndinni má sjá konuna sem hér um ræðir og blómin bláu sem uxu upp af laukunum sem settir voru niður í vetur.

Hýasinturnar litfögru má hins vegar sjá miklu víðar í Reykhólaþorpi.