Sveitarstjórn Reykhólahrepps samþykkti á fundi í gærkvöldi tillögu mennta- og menningarmálanefndar um ráðningu Ástu Sjafnar Kristjánsdóttur í stöðu skólastjóra Reykhólaskóla og samþykkti jafnframt bókun nefndarinnar í því efni. Meðal annars sem tekið var fyrir á fundinum var uppsagnarbréf Þuríðar Stefánsdóttur hjúkrunarforstjóra í Barmahlíð um langt árabil. Sveitarstjórn þakkaði Þuríði störfin og óskaði henni velfarnaðar á nýjum vettvangi.

Einnig var á fundinum samþykkt að sumarlokun skrifstofu Reykhólahrepps verði frá 28. júlí til 8. ágúst og sumarleyfi sveitarstjóra 14. júlí til 8. ágúst.

Fundargerðina í heild er að finna hér og í reitnum Fundargerðir allra neðst til vinstri á síðunni.