Landssamband eldri borgara (LEB) og Alþýðusamband Íslands (ASÍ) boða til ráðstefnu kl. 13-16 á morgun, fimmtudag, á Icelandair Hótel Natura (áður Hótel Loftleiðir) í Reykjavík. Formaður LEB er Jóna Valgerður Kristjánsdóttir í Mýrartungu II í Reykhólasveit. Allir eru velkomnir og aðgangur ókeypis. Dagskráin er þannig:

1. Setning: Jóna Valgerður Kristjánsdóttir, formaður LEB.
2. Hagur eldri borgara á Íslandi: Stefán Ólafsson, prófessor við Háskóla Íslands og formaður stjórnar Tryggingastofnunar ríkisins.
3. Hækkandi lífaldur - nauðsynleg viðbrögð: Árni Gunnarsson, fv. alþingismaður og formaður starfshóps um endurskoðun almannatrygginga.
4. Lífeyriskerfin verða að vinna saman að bættum kjörum aldraðra: Gylfi Arnbjörnsson, forseti ASÍ.
5. Launakönnun BSRB - Tekjutengingar í almannatryggingakerfinu: Elín Björg Jónsdóttir formaður BSRB.
6. Lífeyrissjóðir - réttindi - eign: Þórey S. Þórðardóttir hrl., framkvæmdastjóri Landssamtaka lífeyrissjóða.
7. Baráttan um brauðið - enn er þörf:  Þórunn Sveinbjörnsdóttir, formaður Kjaranefndar LEB.
8. Umræður - fyrirspurnir - lokaorð.

Ráðstefnustjóri: Halldór Sig. Guðmundsson, félagsráðgjafi og lektor við Háskóla Íslands.

► Heimasíða Landssambands eldri borgara