Ræktun matjurta í heimilisgarðinum
Garðyrkjufélag Íslands stendur fyrir námskeiði í ræktun matjurta í heimilisgarðinum laugardaginn 23. apríl kl. 9.30 til 15.30 í Dalabúð í Búðardal. Fjallað verður í máli og myndum um ræktun matjurta í heimilisgarði. Farið verður yfir forræktun, sáningu og fræ, pottun, vökvun, áburðargjöf og útplöntun. Þá verður fjallað um jarðveginn og lífið í honum, umhirðu og uppskeru, ásamt algengustu vandamálum sem fylgja ræktun matjurta.
Leiðbeinandi er Gunnþór K. Guðfinnsson garðyrkjufræðingur.
Þátttökugjald er kr. 6.500.
Skráning í netfanginu gardyrkjufelag@gardurinn.is eða í síma 853 9923.
Námskeiðið er í umsjón Garðyrkjufélags Dalabyggðar í samstarfi við sveitarfélagið Dalabyggð. Fólk í Reykhólahreppi er velkomið á námskeiðið, rétt eins og aðrir sem áhuga hafa þó að þeir séu ekki búsettir í Dalabyggð.