Þessi ritvél „tengist fréttinni ekki beint“ eins og jafnan er sagt.

Ritvélin á Héraðsbókasafni Reykhólahrepps er búin að leggja upp laupana eftir langa og dygga þjónustu. Tölvur og tölvuprentarar eru líklega búin að leysa ritvélarnar góðu af hólmi á flestum heimilum. Ekki er ósennilegt að ýmsir séu með ágæta ritvél geymda á góðum stað og hafi ekki viljað henda henni alveg strax.

Á bókasafninu þarf að nota ritvél við skráningu og þess vegna auglýsir Harpa bókavörður eftir góðri rafmagnsritvél. Hafið endilega samband við hana í síma 894 1011 ef þið lumið á slíku tæki og viljið láta það af hendi.