Hefur þú unnið skrifstofustörf í þrjú ár eða lengur Ertu orðinn 23 ára? Viltu styrkja stöðu þína á vinnumarkaði? Viltu bæta við menntun þína á framhaldsskólastigi? Þá er raunfærnimat í skrifstofugreinum kannski eitthvað fyrir þig.

Tilgangur raunfærnimats er að gefa út staðfestingu sem einstaklingur getur notað til:

• styttingar á námi
• að sýna fram á reynslu og færni í starfi eða í atvinnuumsókn
• að leggja mat á hvernig einstaklingur getur styrkt sig í námi eða starfi

Matið er þátttakendum að kostnaðarlausu. Metið er á móti námskrá Skrifstofubrautar I í Menntaskólanum í Kópavogi. Skrifstofubrautin er hagnýtt nám á framhaldsskólastigi (33 einingar) sem miðar að því að veita nemendum almenna þekkingu í greinum sem nýtast við krefjandi störf á skrifstofu.

Nánari upplýsingar gefa náms- og starfsráðgjafarnir Guðrún Vala Elísdóttir í netfanginu vala@simenntun.is og Björn Hafberg í netfanginu bjornhafberg@hotmail.com.

Símenntunarmiðstöðin á Vesturlandi