Ærin Bylgja með sitt laskaða eyra.

Fjárleitir og réttir standa nú sem hæst um land allt. Réttað verður í Kinnarstaðarétt í Reykhólasveit á sunnudaginn. Annað kvöld verður fénu komið í nátthaga en réttirnar sjálfar hefjast kl. 11 á sunnudag. Réttarstjóri er Jónas Samúelsson á Reykhólum. Sitthvað er í boði í héraðinu vegna réttarhelgarinnar.

Bæði í dag og á morgun er opið lengur í Grettislaug á Reykhólum en venjulega eða fram til klukkan tíu, kjötsúpan sígilda verður á borðum í Bjarkalundi á laugardag og sunnudag og Handverksfélagið Assa verður með markaðinn sinn í Nesi opinn á laugardag og sunnudag þar sem kaffi og vöfflur standa til boða.

Sjá einnig:

22.09.2009  Þarna er Bylgja sem drapst í fyrra

Fjallskilaseðill Reykhólahrepps 2011