Réttarstemmning verður í Hótel Bjarkalundi í Reykhólasveit núna á laugardagskvöldið, 20. september. Boðið verður upp á kjötsúpu að hætti Árna og Ingu frá kl. 18 og fram á kvöld. Verð á mann er kr. 1.650. Seinna um kvöldið mun Alli í Skáleyjum sjá um fjörið og spila fram á nótt eins og honum einum er lagið. Starfsfólk Bjarkalundar hlakkar til að sjá sem flesta á fagnaðinum og biður þá sem ætla að koma í matinn að láta vita sem fyrst í síma 434 7863 eða 434 7762.