Reykhóladagar: Bestu skreytingarnar á Grund
Heimilisfólkið á Grund fékk viðurkenningu dómnefndar fyrir bestu skreytingarnar á Reykhóladögum 2013. Verðlaunin eru ferð fyrir tvo til annað hvort Kaupmannahafnar eða Lundúna með WOW-air. Hér fylgja nokkrar myndir af hinum margvíslegu skreytingum á Grund. Á mynd nr. 9 eru tveir brosandi félagar en á næstu mynd þar á eftir má sjá eftirstöðvar þokunnar sem var aðfaranótt föstudagsins en létti síðan fljótlega að mestu þegar leið á daginn. Veðrið lék við heimafólk og gesti á Reykhóladögum 2013.
Verið er að vinna fjölda mynda frá hátíðarhöldunum og má búast við þeim inn í ljósmyndasafnið hér á vefnum á morgun þegar því verki er lokið. Jafnframt er fólk hvatt til að senda skemmtilegar svipmyndir frá hátíðinni í netfangið vefstjori@reykholar.is.