Súpa og appelsínugulur einkennisliturinn að Reykjabraut 1 á Reykhólum.

Eins og fram hefur komið eru allmargir tugir mynda frá nýliðnum Reykhóladögum komnir hér inn á ljósmyndasíðuna (Ljósmyndir, myndasöfn - Myndasyrpur - Reykhóladagar 2013, 1, 2 og 3). Ennþá vantar sárlega myndir frá dráttarvélakeppninni og „skrúðgöngu“ gömlu traktoranna um þorpið á Reykhólum. Einnig bráðvantar myndir frá ýmsum öðrum keppnisgreinum, svo sem baggakasti og pylsupartíi í Hvannagarðabrekku og öðru sem þar fór fram. En alveg sérstaklega vantar upplýsingar um rabarbarabaksturskeppnina og myndir frá henni, svo og uppskriftirnar!

Skoðið myndirnar og sjáið hvað vantar. Sendið myndir og upplýsingar í netfangið vefstjori@reykholar.is og endilega miklu fleiri svipmyndir frá hinu og þessu sem fólk lumar á. Líka má benda á Facebook-síður þar sem hirða mætti skemmtilegar myndir og taka hér inn í myndasafnið.