Svipmynd frá borðhaldinu á Reykhóladögum í fyrra.

Þau Ingi Þór og Rósamunda, sem annast skipulagningu og umsjá Reykhóladaganna að þessu sinni, vilja koma á framfæri ánægju sinni með undirtektir heimafólks, ekki síst hvað snertir þátttöku í hinum og þessum viðburðum og leikjum sem eru á dagskránni. Þau hvetja til þess að enn fleiri skrái sig til þátttöku því að lengi má bæta við. Núna stendur jafnframt yfir forsala á skemmtunina á laugardagskvöld.

Panta má miða á skemmtunina miða með því að senda póst á reykholar2013@gmail.com eða hringja í síma 691 6960. Tekið skal fram, að miðar pantaðir þannig fást á forsöluverði.

Veðurhorfurnar eru eins og best verður á kosið.

► Sjá hér dagskrá Reykhóladaganna og allt sem viðkemur skráningum á viðburði

Endilega deilið sem víðast!