Reykhóladagar hefjast í dag, fimmtudag, með þremur kvikmyndasýningum fyrir börn og eldri á Báta- og hlunnindasýningunni á Reykhólum kl. 16, 18 og 21. Dagskráin byrjar síðan kl. 10 í fyrramálið með hestaheimsókn og almenningshlaupi og boðið verður í súpu á ýmsum stöðum í hádeginu (listi yfir þá staði kemur hér inn í kvöld). Af öðrum viðburðum föstudagsins má nefna kassabílakeppni, hæfileikakeppni, grillvagn og spurningakeppni.

Síðan verður haldið áfram af enn meiri krafti á laugardag. Héraðshátíðinni lýkur á sunnudag með léttmessu og sundlaugarfjöri.

Dagskrá Reykhóladaganna má finna hér. Harpa Eiríksdóttir veitir allar nánari upplýsingar í síma 894 1011.

Fylgist líka með Facebook-síðunni um Reykhóladagana sem Harpa heldur úti. Þar koma smátt og smátt nánari upplýsingar um ýmsa viðburði.