Þriðjudaginn 4. júlí verður sveitarfélagið okkar 30 ára og að því tilefni ætlum við að gera okkur glaðan dag og fagna tímamótunum í Hvanngarðabrekku á Reykhólum. Hátíðarhöldin hefjast kl. 17.00 og standa fram eftir kvöldi.

Dagskrá:

• Ingibjörg Birna Erlingsdóttir sveitarstjóri setur samkomuna.

• Grill að hætti hreppsnefndar; grillkjöt, kartöflusalat, hrásalat, sósa og meðlæti. Drykkir á staðnum.

• Brekkusöngur.

• Karl Kristjánsson varaoddviti les upp ágrip af sögu sveitarfélagsins.

• Tónlistaratriði.

• Leikskólalögin.

• Gamanmál og grín – 3 aðfluttir sveitungar segja frá fyrstu kynnum sínum af sveitinni, fólkinu og samfélaginu.

• Nammitrúðarnir færa börnunum sápukúlur og sleikjó.

• Vilberg Þráinsson oddviti slítur samkomunni en afmælisgestum er frjálst að sitja í brekkunni áfram.

Athugið eftirfarandi:

• Hátíðargestir eru vinsamlega beðnir um að koma með sólstóla og borð eða teppi til að sitja á við snæðing.

• Þeir sem eiga geta kippt með sér útilegudóti (mataráhöldum) en það verða líka plastdiskar og þ.h. í garðinum.

• Þá er ágætt að taka einhver létt leikföng fyrir yngstu börnin.

• Plan B: Ef veðurspáin er óhagstæð fyrir 4. júlí, verður samkoman flutt inn í íþróttahús, en allar horfur eru á að það verði meinleysisveður.

Verið öll hjartanlega velkomin í afmæli Reykhólahrepps!

Sveitarstjórn Reykhólahrepps;

Vilberg Þráinsson oddviti, Karl Kristjánsson varaoddviti, Ágúst Már Gröndal,

Áslaug Berta Guttormsdóttir og Sandra Rún Björnsdóttir.