Fyrir utan kjörstað í morgun.

Anna Björg Þórarinsdóttir frá Hólum í Reykhólasveit var fyrst til að kjósa á kjörstað á Reykhólum í morgun og gerði það á slaginu klukkan níu þegar opnað var. Af 210 á kjörskrá í Reykhólahreppi greiddu 149 atkvæði (77 konur og 72 karlar). Kjörsókn var því 71%. Atkvæði utan kjörfundar voru 30 (20,1% af þeim sem atkvæði greiddu) en á kjörstað kusu 119 (79,9%). Utan kjörfundar kusu 19 konur og 11 karlar.

Kjörfundurinn gekk í alla staði vel og engin vandamál komu upp.

Sjá hér næstu frétt á undan um ólíka fararskjóta kjósenda (og eitt höfuðfat) og myndir.