Innlit (heimsóknir) á vef Reykhólahrepps á árinu 2012 voru 175.856 eða að meðaltali 480 á dag. Flettingar voru samtals 659.239 eða að meðaltali 1.801 á dag. Vefurinn var opnaður vorið 2008 en vefteljarinn Google Analytics var tengdur við hann 15. ágúst 2008. Frá þeim tíma eru innlit á vefinn samtals 525.934 eða að meðaltali 329 á dag. Nánari sundurliðun kemur fram í töflunni.

Nokkrar tölur um það sem sett hefur verið inn á vefinn frá upphafi og núna til áramóta: 

• Fréttir í fréttadálkinum í miðjunni: 2.680.
• Ljósmyndasyrpur: 80 með samtals 1.856 myndum.
• Sjónarmið: 195 pistlar og greinar.
• Fundargerðir hreppsnefndar og undirnefnda sveitarfélagsins: 391, þar af fjölmargar sem eru eldri en vefurinn sjálfur eða allt frá árinu 2003.
• Tilkynningar: Hátt í 200 (nákvæm tala liggur ekki fyrir vegna þess að kerfið geymir ekki nema ákveðinn fjölda og sú elsta hverju sinni dettur út þegar ný kemur inn).
• Auglýsingar: Útbúnir hafa verið um 200 auglýsingaborðar (nákvæm tala liggur ekki fyrir).
• Ótalið er þá margt annað af ýmsu tagi.

Frá upphafi veftalningar Google Analytics 15. ágúst 2008 og núna til áramóta:

• Meðalfjöldi flettinga í hverju innliti er 3,7.
• Meðaltímalengd inni á vefnum í hverri heimsókn er 3 mínútur og 17 sekúndur.
• Heimsóknir (innlit) frá 122 löndum og sjálfstjórnarsvæðum.