Hjá einhverjum notendum þessa vefjar virðist sem hann sé svo hægur að óviðunandi megi telja. Þannig heyrði umsjónarmaður fyrir helgina í notanda sem þurfti að bíða í hálfa mínútu eftir að vefurinn kæmi upp, en á sama tíma kom hann upp hjá öðrum notendum á einni sekúndu eða þar um bil, eins og vera ber.

Nú getur umsjónarmaður með engu móti munað hver notandinn var í þessu tilviki og þess vegna er hann beðinn að hafa samband á nýjan leik. Áður hefur umsjónarmaður fengið kvörtun sama efnis frá öðrum notanda. Til að hýsingarfyrirtæki vefjarins geti kannað þetta þarf að fá ákveðnar upplýsingar frá þeim sem um ræðir.

Jafnframt er hér með óskað eftir upplýsingum í netfangið vefstjori@reykholar.is frá öðrum þar sem þetta kann líka að vera svona. Ennfremur er óskað eftir því að einhverjir notendur sem fá vefinn upp með eðlilegum hætti, eða ámóta fljótt og t.d. vefina mbl.is og ruv.is, láti vita að svo sé.