„Við vörum viðkvæma við myndunum sem hérna fylgja,“ sagði þulurinn í Sjónvarpinu í kvöld þegar hann kynnti frétt um minkaveiðar Reynis Bergsveinssonar frá Gufudal. Þar var fjallað um minkasíurnar sem Reynir fann upp og hafa orðið þúsundum minka að fjörtjóni síðustu átta árin.

Í fréttinni er rætt við Reyni og sýndar myndir þar sem hann er að starfi.

Meðal margra barna Reynis Bergsveinssonar eru Svandís í Fremri-Gufudal, Erla í Mýrartungu og Beggi á Gróustöðum. Bróðir Reynis er Kristinn Bergsveinsson í Görðum á Reykhólum, faðir Einars í Gufudal.

Fréttina í Sjónvarpinu má sjá og heyra hér.