Rjúpnaveiðibann - uppfært
Rjúpnaveiði og önnur skotveiði er stranglega bönnuð í landareignum þeirra jarða í Reykhólahreppi sem taldar eru hér fyrir neðan. Fylgst er með því eins og kostur er hvort gegn banninu er brotið. Ef eigendur eða umráðamenn vilja tilkynna hér um veiðibann á fleiri jörðum í hreppnum má senda tölvupóst í netfangið vefstjori@reykholar.is eða hringja í síma 892 2240. Þá verður þessi listi uppfærður jafnóðum.
- Króksfjarðarnes
- Gillastaðir
- Hafrafell 3
- Skáldstaðir
- Berufjörður
- Hyrningsstaðir
- Kinnarstaðir
- Skógar
- Múli í Þorskafirði
- Þórisstaðir
- Gröf í Þorskafirði
- Skálanes
- Kleifastaðir
Ástþór Ágústsson í Múla í Ísafirði (innst í Ísafjarðardjúpi) biður um að eins og undanfarin ár verði vakin athygli á því sem hann sendi til birtingar hér á vefnum á sínum tíma varðandi Kollafjarðarheiði. Það sé enn í fullu gildi. Þar segir hann:
Á undanförnum árum hefur borið á því að veiðimenn komi upp á Kollafjarðarheiði úr Kollafirði og séu að skjóta á heiðinni og víðar án leyfis. Meðal annars hefur orðið vart við veiðimenn í landi Múla í Ísafirði, sem er þó í allnokkurri fjarlægð frá vegslóðanum á heiðinni. Mér datt í hug hvort þú gætir sett á listann að þeir veiðimenn sem ætla sér á Kollafjarðarheiði kynni sér hvar lönd jarða liggja og veiði aðeins þar sem leyfi liggur fyrir.