Rjúpnaveiðitíminn þetta árið hófst í dag. Eins og áður er rjúpnaveiði stranglega bönnuð í lendum ýmissa jarða í Reykhólahreppi. Lista yfir þær má sjá með því að smella á auglýsinguna neðan við efstu frétt hér á síðunni (birtist handahófskennt til skiptis við aðrar auglýsingar). Fylgst verður með því eins og kostur er hvort brotið verður gegn banninu. Ef einhverjir eigendur eða umráðamenn vilja bæta jörðum í hreppnum á þennan lista geta þeir sent póst eða hringt í síma 892 2240.

Rjúpnaveiði, þar sem hún er á annað borð leyfð, er aðeins heimil í níu daga samtals að þessu sinni vegna afkomubrests í stofninum. Í fyrra voru veiðidagarnir átján. Í fyrstu lotu eru veiðar heimilar núna frá föstudegi til sunnudags en síðan laugardag og sunnudag í þrjú skipti í næsta mánuði og síðasti dagurinn 27. nóvember.