Bókasafnsdagurinn 2013 er í dag, mánudaginn 9. september, og skal minnt á, að Héraðsbókasafn Reykhólahrepps, sem er til húsa í Reykhólaskóla, er opið í dag klukkan 16-18. Þangað eru nú komnar um fimm hundruð nýjar bækur, þar af hátt í hundrað barna- og unglingabækur. Þessi viðbót er uppskera Kópavogsferðar Hörpu Eiríksdóttur bókavarðar, sem hér var greint frá.

Sjá nánar á vefnum visitreykholahreppur.is sem Harpa heldur úti.

Bókasafnsdeginum er ætlað að beina augum fólks að mikilvægi bókasafna í samfélaginu. Kjörorð hans að þessu sinni er Lestur er bestur - spjaldanna á milli.

Ítrekað skal að leitað er að bókaverði til starfa á Reykhólum því að Harpa Eiríksdóttir er á förum utan til náms eins og undanfarna vetur - sjá nánar hér.