Minnt skal á saltkjöts- og baunaveisluna ásamt bókmenntakynningu hjá Reykhóladeild Lions annað kvöld, föstudag. Tilhögun verður með sama hætti og undanfarin ár. Jón Kristinn Jóhannesson úr Skáleyjum er skáldið sem fjallað er um að þessu sinni. Nánari upplýsingar veita Ingvar (898 7783) og Karl (866 8318). Fólk sem hyggst sækja samkomuna er beðið að hafa samband við annan hvorn þeirra með fyrirvara og allra helst í dag. Hvort tveggja er fremur slæmt fyrir kokkana - að hafa ekki eldað nóg eða sitja uppi með mikinn afgang og þurfa að éta baunir í öll mál í heila viku á eftir með tilheyrandi aukaverkunum.