Ágúst Már, Rannveig og Bjarni Þór við suðutankinn (kallaður grái kafbáturinn).

Við eimingarpönnurnar.

Skjalið frá Vottunarstofunni Túni.

« 1 af 4 »

Norður & Co. ehf. að Hafnarslóð 1 á Reykhólum (saltvinnslan nýja við höfnina) fékk í dag staðfestingu frá Vottunarstofunni Túni þess efnis, að fyrirtækið hafi uppfyllt kröfur um eftirlit, aðferðir og framleiðslu samkvæmt reglum um náttúruafurðir og aðföng til vistvænnar framleiðslu. Rannveig Guðleifsdóttir hjá Túni kom vestur til að afhenda staðfestinguna, sem Ágúst Már Gröndal framleiðslustjóri Norður & Co. og Bjarni Þór Bjarnason saltgerðarmaður veittu viðtöku fyrir hönd fyrirtækisins.

Myndir nr. 1-3 voru teknar við þetta tækifæri.

Þar með eru fyrirtækin á Reykhólum sem hlotið hafa slíka vottun orðin tvö, en Þörungaverksmiðjan hf. fékk hana þegar árið 1999.

Á heimasíðu Túns segir: 

• Tún er faggild eftirlits- og vottunarstofa fyrir lífræna og sjálfbæra framleiðslu. Markmið Túns er að veita gæðaþjónustu til framleiðenda í landbúnaði, sjávarútvegi og vinnslu náttúrulegra afurða.
• Tún er þróunarfélag í þágu almannahagsmuna og vinnur að nýsköpun matvælaframleiðslu og náttúrunytja í samræmi við alþjóðlega staðla um tillitsemi við lífríki og náttúru. Siðfræði sjálfbærrar þróunar og heilbrigðis allrar lífkeðjunnar eru megin leiðarljós í þjónustu Túns.

Heimasíða Vottunarstofunnar Túns

Tenglar á fréttir af saltverksmiðjunni á Reykhólavefnum:

► 16.06.2013 Saltvinnslan nýja á Reykhólum: Verið að leggja stéttina

► 04.06.2013 Vatnsnýtingarsamningur milli verksmiðjanna í Karlsey

► 29.05.2013 Fleira en salt framleitt í saltvinnslunni á Reykhólum

► 25.03.2013 Búið að steypa plötuna

► 04.02.2013 Byggingu saltvinnslunnar við Reykhólahöfn miðar vel

► 23.01.2013 Stefnt að því að húsið verði fokhelt í næsta mánuði

► 18.12.2012 Íslenska saltfélagið á Reykhólum í fréttum Stöðvar 2

► 04.12.2012 Bygging saltvinnslu á Reykhólum hafin