Morgunblaðið 1.04.1998.

Í minningargrein um Sigurð heitinn Elíasson á Reykhólum, sem birtist í Morgunblaðinu eftir andlát hans fyrir liðlega ellefu árum, er greint frá því að Sigfús Halldórsson tónskáld hafi samið lagið Litlu fluguna við ljóð Sigurðar á svipstundu. Þar segir að Sigfúsi hafi litist vel á kvæðið og Sigurður boðið honum að semja við það lag ef hann gæti lokið því á tíu mínútum. „Sigfús settist við píanóið og Litla flugan var fullsköpuð á átta mínútum", segir í greininni, sem skrifuð er af Alfreð Harðarsyni og fjölskyldu.

Velunnari Reykhólavefjarins sendi ábendingu um þetta. Greinin birtist á bls. 43 í Morgunblaðinu hinn 1. apríl 1998.

Mikinn fjölda af blöðum og tímaritum má lesa á vef Landsbókasafns, timarit.is.

Sjá einnig:

14.04.2009 Hvernig litla flugan varð til ...