Samfélagsstyrkir Orkubús Vestfjarða
Orkubú Vestfjarða auglýsir eftir umsóknum um samfélagsstyrki 2016, en þeim verður núna úthlutað fimmta árið í röð. Orkubúið vill með styrkjunum sýna stuðning í verki við þá aðila og félög sem sinna ýmsum samfélagsmálum á Vestfjörðum. Þar getur verið um að ræða ýmiskonar starfsemi eða félagasamtök, svo sem björgunarsveitir, íþrótta- og æskulýðsstarf, menningarstarfsemi og listir, eða einhver önnur áhugaverð verkefni sem skipta máli fyrir vestfirskt samfélag.
Þetta kemur fram hér á vef Orkubús Vestfjarða. Þar er minnt á, að leitast verður við að styrkja verkefni vítt og breitt um Vestfirði.
Miðað er við að einstakar styrkveitingar geti verið á bilinu frá fimmtíu þúsund krónum og upp í hálfa milljón.
Umsóknarfrestur er til og með 16. desember.
Umsóknum skal skilað rafrænt með því að fylla út þetta rafræna eyðublað.
Samfélagsstyrkir Orkubúsins hafa á undanförnum árum runnið til ýmissa ólíkra verkefna í Reykhólahreppi, sjá t.d. hér um síðustu úthlutun.