Samhljómur með Halldóri og VG.

Halldór Halldórsson, formaður Sambands íslenskra sveitarfélaga og bæjarstjóri í Ísafjarðarbæ, kveðst óttast niðurskurð á almennri grunnþjónustu vegna aukinnar skuldsetningar sveitarfélaga. Hann tekur undir með Vinstri grænum að nauðsynlegt sé að styrkja framlag ríkisins til Jöfnunarsjóðs sveitarfélaga. Á flokksráðsfundi VG sem lauk í gær voru samþykktar fimm ályktanir sem allar snerta málefni sveitarfélaga. Flokkurinn telur nauðsynlegt að auka framlag ríkisins til Jöfnunarsjóðs sveitarfélaga um 10 milljarða á næstu tveimur árum. Halldór tekur undir nauðsyn þess að styrkja sjóðinn.

Í ályktun Vinstri grænna er hugmyndum um lögbindingu lágmarksstærðar sveitarfélaga hafnað. Halldór segir mikilvægt að styrkja sveitarfélögin með frjálsum sameiningum.

Þetta kom fram í fréttum Ríkisútvarpsins.

Í þessu sambandi má geta þess, að Halldór Halldórsson er oddviti Sjálfstæðisflokksins í Ísafjarðarbæ.