Merki sveitarfélaganna fjögurra sem að félagsþjónustunni standa.

Óskað er eftir tillögum að kennimerki (lógói) félagsþjónustu Stranda og Reykhólahrepps. Merkið þarf að vera tilbúið til notkunar á tölvutæku formi. Félagsþjónusta Stranda og Reykhólahrepps er sameiginleg félagsþjónusta Árneshrepps, Kaldrananeshrepps, Strandabyggðar og Reykhólahrepps. Hún sinnir þjónustu á sviði barnaverndar, félagslegrar ráðgjafar, fjárhagsaðstoðar, málefna fatlaðs fólks, félagslegrar heimaþjónustu og málefna aldraðra.

Einkennisorð félagsþjónustunnar eru mannvirðing, fordómaleysi og trúnaður.

Tillögurnar óskast sendar á skrifstofu Félagsþjónustu Stranda og Reykhólahrepps, Höfðagötu 3, 510 Hólmavík, ekki seinna en 18. september, merktar „lógó“.

Félagsmálastjóri tekur við tillögunum. Nánari upplýsingar veitir Hildur Jakobína Gísladóttir félagsmálastjóri í síma 842-2511 eða í gegnum netfangið felagsmalastjori@strandabyggd.is.

Verðlaun eru heiðurinn af höfundarverki kennimerkisins auk 50.000 króna.