Ein mynda Jóns Jónssonar af Seiði við höfnina á Hólmavík.

Listaverkið Seiður eftir Einar Hákonarson sem sett var upp við Hólmavíkurhöfn í sumar hefur sett svip á bæinn og hefur mikið aðdráttarafl. Verkið er síbreytilegt að vetrarlagi því vatnið sem streymir um það verður að margvíslegum klakamyndunum sem breytast í takt við hitastigið. Eins er bakgrunnurinn ólíkur frá degi til dags og margir fallegar dagar hafa komið í haust þar sem himinn og haf litast af geislum sólarinnar og mynda fallegan bakgrunn.

Þannig segir á Strandavefnum. Þar eru margar mjög ólíkar ljósmyndar af listaverkinu, sem Jón Jónsson á Kirkjubóli við Steingrímsfjörð hefur tekið við ýmsar aðstæður og frá ýmsum sjónarhornum.

Myndaröðina af listaverki Einars Hákonarsonar við Hólmavíkurhöfn má skoða hér.

► Strandavefurinn - strandir.is