Spurningakeppnin sem verður eins konar upphitun fyrir Reykhóladaginn á laugardag verður annað kvöld, föstudagskvöld, í íþróttahúsinu á Reykhólum og hefst kl. 20. Sex þriggja manna lið taka þátt í keppninni, en þau eru: Kennarar Reykhólaskóla, starfsmenn Þörungaverksmiðjunnar, Hólakaup, Kambur, Glæsibæjargengið og makar Reykhólanefndar. Byrjað verður á forkeppni en sigurliðin þrjú úr henni og stigahæsta tapliðið halda áfram í undanúrslit. Sigurliðin þar keppa síðan til úrslita.

 

Viðfangsefnin verða af ýmsu tagi, spurningar, leikin orð, bjölluspurningar og vísbendingaspurningar. Skemmtiatriði verða í hléi.

Miðaverð er kr. 500. Hægt er að kaupa kaffi og sjoppa nemendafélagsins verður á staðnum.