4. nóvember 2011 |
Síðasta hönd lögð á matargerðina í Bjarkalundi
Árni, Kolla (Soffía frænka með kökukeflið) og Ingvar. Á fatinu hægra megin er þurrkað gæsakjöt.
Villibráðarhlaðborðin ásamt skemmtiatriðum sem Hótel Bjarkalundur efnir til þegar vetur er genginn í garð samkvæmt almanakinu eru orðin fastur punktur í tilverunni. Undanfarin ár hafa þau verið tvisvar en þetta árið eru þau þrjú laugardagskvöld í röð og hið fyrsta annað kvöld, þann 5. nóvember. Þórarinn Ólafsson í Stekkjarlundi skrapp í Bjarkalund og tók nokkrar myndir af fólkinu þaulreynda sem annast matargerðina, þeim Árna Sigurpálssyni, Kolbrúnu Pálsdóttur og Ingvari Samúelssyni.
Með hverju árinu eru fleiri réttir í boði og má að þessu sinni nefna reykta punga. Þeir eru að vísu ekki skornir undan villibráð enda er fjölmargt á borðum fyrir utan villibráðarrétti.
Nánari upplýsingar um villibráðarkvöldin